top of page
Colorful Square Grid

Ngā Kaupapa

20241130_090951 - Copy.jpg

Te Āpōtanga

Ka kawea e Te Ataarangi ki Tāmaki Makaurau ngā akoranga rumaki reo mā ngā karaehe pō, ngā karaehe ao, me ngā wānanga o ngā rā whakatā. Hei wāhanga o te whāinga ā-motu kia puta mai he 1,000 tauira, ka waihangatia e mātou he whai wāhitanga mā ngā ākonga kia hakapakari i tō rātou māia ki te reo Māori, me te tautoko i a rātou ki te waihanga mahere reo mō rātou anō

 

I tua atu i te akomanga, ka hakatenatena mātou i ngā tauira kia hakamahi, kia hakapakari hoki i tō rātou reo i roto i ō rātou whānau, wāhi mahi, me ngā hapori whānui. Mā konei ka hakatupu taiao māori e hakanuia ai, e hakamanahia ai te reo Māori puta noa i Tāmaki Makaurau — mai i Hakapirau ki te raki, tae atu ki Pōkeno ki te tonga.

​

Go to                                 for available classes.

Pōkapū Rūmaki

Ko ā mātou Pōkapū Rumaki he horopaki reo ā-hapori, he kaupapa hoki e ora ai, e hakanuia ai, e hakamāori ai te reo Māori hei mea māori noa. Mā wēnei pokapū ka whai wāhi ngā whānau me ngā hapori ki te hono, ki te ako, ki te hakaharatau tahi i te reo Māori i roto i tētahi taiao tautoko. Mā te hakatupu hapori kōrero, ka māmā ake te reo ki te toro atu, ā, ka hakatenatena i ngā whānau ki te waihanga rautaki reo e toitū ai te reo ki ngā reanga kei tua.

​

Whāia ā mātou whārangi pāpāho pāpori kia mōhio tonu ai koe ki ngā kaupapa reo Māori, ngā wānanga me ngā kaupapa ā-hapori puta noa i Tāmaki Makaurau — mai i Hakapirau ki te raki, tae atu ki Pōkeno ki te tonga.

​

Whats happening in this space? 

Wā Reo 1 2025.png
Noho3 Tāmaki1.JPG

Te Māhuri | Kotahi Kapua

E ū ana a Te Ataarangi ki Tāmaki Makaurau ki te whakatipu i te reanga hou o ngā kaiwhakaako mā tētahi mahere ā-motu hei whakapiki i te tokomaha o ngā kaiako kua whakangungua ki te tikanga o Te Ataarangi

​

Ko tā mātou whāinga he hakatupu māhita hou, he hakakākahu i a rātou ki ngā pūkenga hakamahere reo me te tautoko i te tuku iho o te reo ki ngā reanga. Ka awhi hoki te hhakangungu i ō tātou ake āhuatanga ā-rohe o te reo me ngā tikanga, kia hāngai tonu ai ki ō tātou hapori.

 

E pōhiri ana mātou i ngā punua nō ngā kaupapa katoa - tae ana ki ngā huanga Kura Kaupapa, māngai iwi, ā. Ko rātou e piripono ana ki te hakarauoratanga reo - he ara mā ngā punua māhita e eke ana ki tētahi tūranga māhita awatea.

​

Tirohia ngā mahi i mahia!   

© 2025 Te Ataarangi ki Tāmaki Makaurau

bottom of page