.png)

Nau mai ki te Paetukutuku o
Te Ataarangi ki Tāmaki Makarau

Tāmaki ki runga, Tāmaki ki raro, Hauraki Au, Kaipara Tai, Te Herenga Waka e!
E mara,
Ka tika me mihi tuatahi ki a koutou nga Mana Whenua katoa e taiāwhio ana te rohe o Tāmaki Makaurau. Koia te mita ā-iwi i hakairongia i runga i te mata o te whenua nei e ngā mātua tūpuna.
Toro atu ki te hunga tumanako ana ki te ako, ki te korero, ki te waiata, ki te takutaku i te reo, tae atu ki a koutou e kawe tahi ana i nga kaupapa reo Maori, mo te oranga reo te tango. Anei mātou ngā raupā o Te Ataarangi ki Tāmaki Makaurau e pōhiri ana koutou katoa ki tō tātou paetukutuku. Nau mai, hakatau mai.

Ko Wai Mātou
E manawanui ana a Te Ataarangi ki Tāmaki Makaurau ki te hakarauoratanga o te reo Māori mā te rumaki, mā te ara wahangū. Nā ngā mātāpono o Te Ataarangi te pūtake o wō mātou taiao ako hei tautoko i ngā ākōnga katoa kia hakapakari i wō rātou māia ki te reo Māori.
E hia kē ngā tekau tau kua matua mahi a Te Ataarangi hei hakakaha i ngā hapori reo Māori puta noa i Aotearoa. E kawea tonu ana tēnei hakarerenga e te Rohe mā te hakahaere kura, wānanga, me ngā kaupapa kē hei whāngai i te hoputanga reo Māori me ngā hononga ahurea. Ko tō mātou rohe mai i Hakapirau i te nōta, ki Pōkeno hakatetonga o Tāmaki kia āhei i ngā whāinga reo puta noa i te rohe whānui.
Nau mai, hakatau mai – Hīkoi tahi ki a mātou ki runga i tēnei hīkoi hakarauoratanga reo Māori!